മുംബൈ: മഹാരാഷ്ട്രയില് ജല്ഗാവില് തീവണ്ടിയിൽ നിന്ന് എടുത്തുചാടിയ 11 യാത്രക്കാര്ക്ക് ദാരുണാന്ത്യം. മഹാരാഷ്ട്രയിലെ ജല്ഗാവിലാണ് അപകടം. സമീപത്തെ ട്രാക്കിലൂടെ വന്ന ട്രെയിന് ഇടിച്ചാണ് 11 പേരും മരിച്ചത്. പത്തോളം പേര്ക്ക് ഗുരുതരമായി പരിക്കേറ്റതായും റിപ്പോര്ട്ടുണ്ട്.
ഇവര് സഞ്ചരിച്ച പുഷ്പക് എക്സ്പ്രസിന്റെ ബോഗികളിലൊന്നില് നിന്ന് തീയും പുകയും ഉയരുന്നത് കണ്ടു എന്ന സംശയത്തിലാണ് ഇവര് ചാടിയതെന്നാണ് വിവരം. എന്നാല് ട്രെയിനില് തീപിടിത്തമുണ്ടായി എന്ന വിവരം റെയില്വേ സ്ഥിരീകരിച്ചിട്ടില്ല. തീവണ്ടിയുടെ വേഗം കുറഞ്ഞപ്പോള് ചക്രത്തില് നിന്ന് പുക ഉയര്ന്നതാണെന്നും ഇത് കണ്ട് തീപിടിച്ചതാണെന്ന് തെറ്റിദ്ധരിച്ചാണ് ഇവര് ചാടിയതെന്നുമാണ് വിവരം.
ഇരുപത്തഞ്ചോളം ആളുകളാണ് ഇത്തരത്തില് ചാടിയത്. ഇവര് ചാടിയ ഉടനെ സമീപത്തെ ട്രാക്കിലൂടെ വന്ന ട്രെയിനിടിച്ചാണ് 11 പേര് മരിച്ചത്. ലക്നൗവില് നിന്ന് മുംബൈയിലേക്ക് വരുന്ന ട്രെയിനാണ് പുഷ്പക് എക്സ്പ്രസ്. പതിനാറോളം പേരെയാണ് ട്രെയിന് ഇടിച്ചതെന്നാണ് വിവരം.
