വാഷിങ്ടണിലുണ്ടായ വിമാനാപകടത്തില്‍ 67 പേരും മരിച്ചതായി സ്ഥിരീകരണം. പോട്ടോമാക് നദിയില്‍ നിന്ന് നാല്‍പതുപേരുടെ മൃതദേഹം പുറത്തെത്തിച്ചു. അപകടകാരണം മുന്‍സര്‍ക്കാരിന്റെ തെറ്റായ നയങ്ങളെന്ന് യുഎസ് പ്രസിഡന്റ് ഡോണാള്‍ഡ് ട്രംപ്.
ഇന്ത്യ ഇംഗ്ലണ്ട് നാലം ട്വന്റി ട്വന്റി ഇന്ന്
ഇന്ത്യ ഇംഗ്ലണ്ട് നാലം ട്വന്റി ട്വന്റി ഇന്ന്. രാത്രി ഏഴുമണിക്ക് പൂനെയിലാണ് മത്സരം. പരമ്പര ലക്ഷ്യമിട്ട് ഇന്ത്യയിറങ്ങുമ്പോള്‍ ജയത്തോടെ ഒപ്പമെത്താനാണ് ഇംഗ്ലണ്ട് ലക്ഷ്യമിടുന്നത്.
ആദ്യ രണ്ടുമത്സരങ്ങളും ജയിച്ചെങ്കിലും മൂന്നാം മത്സരത്തില്‍ ഇംഗ്ലണ്ടിന് മുന്നില്‍ ഇന്ത്യയ്ക്ക് അടിപതറി. നാലാമത്സരത്തിനിറങ്ങുമ്പോള്‍ പരമ്പര നേടുക എന്നത് മാത്രമാണ് ഇന്ത്യയ്ക്ക് മുന്നിലുള്ളത്. അഭിഷേക് ശര്‍മ, തിലക് വര്‍മ, സഞ്ജുസാംസണ്‍, നായകന്‍ സൂര്യകുമാര്‍ യാദവ് എന്നിവരുടെ പ്രകടനമാണ് ബാറ്റിങ്ങില്‍ ആതിഥേയര്‍ക്ക്് കരുത്ത് പകരുക.
ഹര്‍ദിക് പാണ്ഡ്യ, വാഷിങ്ടണ്‍ സുന്ദര്‍ ഉള്‍പ്പെടെയുള്ള താരങ്ങള്‍ ഓള്‍റൗണ്ടര്‍ നിരയില്‍ ടീമിന് പ്രതീക്ഷ നല്‍കുന്നു. കഴിഞ്ഞ മത്സരത്തില്‍ അഞ്ചുവിക്കറ്റുമായി തിളങ്ങിയ വരുണ്‍ ചക്രവര്‍ത്തിക്കൊപ്പം അക്‌സര്‍ പട്ടേല്‍, അര്‍ഷ്ദീപ് സിംഗ് എന്നിവര്‍ ചേരുമ്പോള്‍ ബൗളിങ്ങിലും ആശങ്ക വേണ്ട. കഴിഞ്ഞ മത്സരത്തില്‍ ഫോമിലേക്കുയര്‍ന്ന ബെന്‍ ഡക്കറ്റ്, ലിവിങ്സ്റ്റണ്‍ എന്നിവര്‍ക്കൊപ്പം നായകന്‍ ജോസ് ബട്‌ലറും ചേരുമ്പോള്‍ ഇംഗ്ലണ്ട് ബാറ്റിങ് നിരയും ശക്തമാണ്.
ജോഫ്ര ആര്‍ച്ചര്‍ നയിക്കുന്ന ബൗളിങ് നിരയില്‍, ജാമി ഓവര്‍ട്ടണ്‍, ബ്രൈഡന്‍ കാര്‍സ്, ഇന്ത്യയ്ക്ക് വെല്ലുവിളിയായേക്കും. കഴിഞ്ഞ മത്സരത്തില്‍ 26 റണ്‍സിനായിരുന്നു ഇന്ത്യ തോല്‍വി വഴങ്ങിയത്. മഹാരാഷ്ട്ര ക്രിക്കറ്റ് അസോസിയേഷന്‍ സ്‌റ്റേഡിയത്തില്‍ പരമ്പര നേടാനുറച്ച് ഇന്ത്യയിറങ്ങുമ്പോള്‍ ജയത്തോടെ ഒപ്പമെത്താനാണ് ഇംഗ്ലണ്ട് ലക്ഷ്യമിടുന്നത്.
